|
.asdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmrtyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwertyuiopasdfghjklzxcvbnmqwwertyuiopa
|
واحد مصرى وصلحة ...
رواية مصرية
بالعامية
الحكواتى : خالد التلمسانى
|
اهداء
الى روح ابى الفنان القدير عبد القادر التلمسانى
الذى أفنى عمره كله فى اثراء الحياة
الفنية والثقافية فى مصر والعالم العربى
فهو قدوتى فى الحياة .. فى حياته
وبعد مماته.
رحمة الله عليه
معلش عايز اهدى العمل ده برضه لأختى
الأديبة مى التلمسانى
لانها وقفت جنبى وكانت اول من شجعنى وحفزتنى
على انى اعمل فيكم كده واكتب الرواية دى
فأذا طلعت حلوة يبقى لها الفضل فى
كدة ولو طلعت مش ولابد تبقى هى السبب برضه
هى اللى ضحت بيكم علشان انا اعيش و
ربنا يعوض عليكم فى اللى دفعتوه فى الكتاب ده.
لكم تحياتى
والى الداخل ...
اه قبل ما انسى احب انوه ان :
هذه الرواية او الحكاية من نسيج خيال الحكواتى والشخصيات اللى
فيها لا تمت للواقع بأى صله.
يعنى اى تشابه بين
شخصياتها وبين اى شخص او اشخاص يبقى محض صدفة ليس إلا.
يعنى ما يطلعليش حد
يرفع على قضية ويقول لى انت
حكيت حكايتى او بتتكلم عن بلدنا.
الله انى بلغت الله
هم فاشهد.
وتوكلنا على الله
طب يحكى ان ....
ما تقلبوا الصفحة!
طب لو سمحتم؟!
صندوق زباله اخضر شاحب ...
امبارح نزلت
وسط البلد ... كنت بجرى فى موضوع سمسرة بيع كابلات خردة .. اهو اى حاجة علشان الدنيا
تمشى.
وعديت على
ميدان التحرير الشهير لاقيت الحكومه مغرقه جنينة الميدان مياه .. ولاقيت ناس حاطين
كراسى وتربيزات ونصبة شاى وعربية سندوتشات كبدة وسجق سارقه الكهربة من يافطة مترو الانفاق!!
تخيلوا نصبة
شاى وعربية كبده وحاجه ساقعة وكراسى وتربيزات فى ميدان التحرير الشهير !!!
بس طبعاً
المنظر احنا اتعودنا عليه من ساعة ما قامت الثورة .. يعنى عمرى ما تخيلت ان ممكن
فى يوم من الايام انى اقف جنب دبابة فى اشارة مرور بس حصلت لان الشعب طلع وزهق
وقرر يطلع كبت 30سنة من الطغيان والدكتاتورية.
واقف فى اشارة
المرور عند الجامعة الامريكية اول القصر العينى لاقيت واحد شكله صايع (والله واعلم)
دخل على بربريز العربية وقام عامل تلت دواير . اسود . ابيض . احمر .. (يعنى علم
مصر) وI LOVE E يعنى انا بحب مصر بالانجليزى.
بس ده مش شكل
واحد بيعرف انجليزى! ولا بيرسم الحروف؟
سالت نفسى
هو معقول ده واحد من أئتلافات الثورة؟ وبعدين لاقيته بيقول لى: كل سنة وانت طيب! واى خدمة يا
باشا!!
ما فهمتش ورديت: وانت طيب!
فهم انى ما
وصلتنيش الرسالة فقال: اى حاجة منك يا باشا ....
همممم فهمت!
طبعاً أخد الى فيه القسمة وانا بقول لنفسى: ايه الاسترزاق ده؟ والله الشعب ده
كريياتف ومبدع.
واقف فى وسط
البلد قرب نهاية شارع شريف مستنى الناس بتوع الكبلات الخرده علشان اقابلهم
بالمشترين وجت وقفتى جنب صندوق زباله اخضر شاحب .. وياعينى مش عارف ده لونه
الطبيعى ولا من اللى بيشوفة من اصناف العذاب؟ والحقيقة انه صعب على لانه بقى عشرة
ما انا اتلطعت جنبه ساعة وانا عمال اكلم الناس وادلهم على مكانى بس فى الساعة دى
انا فعلاً شُفت فيها العجب ...
وقف راجل جنب
صندوق الزبالة واحد حوالى خمسين سنة وهوب ضرب غطس جوه الصندوق بنصفه العلوى وخرج
بعد الدعبسة خمس دقائق وأخد منه شوية علب كانز صفيح طبقها تحت رجله وحطها فى شوال
... وبدون سابق انزار قام فاتح سوستة البنطلون وعمل زى الناس على صندوق الزباله قال
يعنى الصندوق ناقص اصلا.
الحكإيه دى
بقى ادام مين ؟ادامى انا واتنين محجبات
حيعدوا الناحية التانية وراجل و بنته جايين من الرصيف المقابل وفى وسط الناس ومشى
سايب الفضيحه عماله تجرى فى هيئة فرع نيل وبتستخبى تحت الصندوق من الاحراج .
بنات لابسة
محزق وملزق من تحت بس تطلع فوق بعينك تلاقى ايشارب !! طب ليه بقى الايشارب والحر
ده؟ اهه يمكن يونيفورم! او توفير كوافير!
او استسهال
ما علينا .. الظاهر انه بقى عادى ان عربية تمشى عكس السير! : إيه؟ فى وسط البلد؟؟: اااه . فى وسط البلد فيه حاجة؟
والعادى اكتر (المكن والفيسب) دى حكاية تانية
بقى خالص وخصوصا الطيارين.
مين بقى الطيارين
دول ؟ دول الدلفرى بتاع المطاعم والصيدليات والسوبر مركت والمكوجى وما شابه ..
بيجروا بلا وعى ولسه من يومين واحد صاحبى بيعدى الشارع شاله واحد من البعده دول!! نزل على دراعه واهو متجبس ومرمى بيصوت فى البيت
وامامه شهرين فى الجبس يصوت فيهم براحته.
اما البلطجية
اللى هم فى هيئة سياس عربيات دول بقى الثورة اتعملت علشانهم .. عايشين تمام التمام
الشارع صفين يمين وزيهم شمال ويا دوب تمر عربية
واحده بصعوبة ولو عايز تركن فى بير سلم عمارة يركنك الباشا البلطجى.
هو بيقولك يا
باشا بس لو قالك يلا حتبقى فرحان اكتر .
عرفت من واحد
صحبى بيشتغل فى المحافظة ان المحليات كانت بتاخد من البلطجي مبلغ شهرى و تسيبه
يسترزق من حوالين المولات و السينمات وعلشان كدة حوالين اى مول او سنتر السايس حتلاقيه
بلطجى ولو قلت له ادينى ايصال!! حيطلعلك
دفتر مختوم من المحافظة رسمى فهمى نظمى والمهم ان فى الاخر المصلحة تمشى للكل بس انا
دفعت للسايس باشا تلاته جنيه بس ومشيت ..
اكيد لازم
اعرفكم بيه الاول .. تمام ....
انا راجل
كبرت بس فى السن بس قلبى لسه شاب علشان كده مش حاسس انى كبرت ...
متجوز وعندى
عيال ..
وعاطل عن
العمل حالياً علشان كده جى فى اى مصلحة وربنا ما بيسبش حد من غير رزق طالما بيسعى.
ما نمتش من امبارح لانى كنت سهران عند عم على .. عم على الروحانى بتاع العفاريت ....
استنوا بس
قبل ما تضحكوا على حكايت روحانى دى انا ححكلكم وانتم شوفوا الموضوع جد ولا شعوذة ودجل
...
عم على ده
موظف على المعاش موظف محترم فى الحكومة ولسه طالع على المعاش طازه ... اتعرفت عليه فى قعده كده بتاعت اثار .
اااه اهو
الكلام جاب بعضه وحنتحبس اهه .. ما الواحد صاحب عيال يعنى يجيب فلوس منين؟ والله
الموضوع مش انى عايز اتغنى ولا حاجة كل الحكاية انى عايز اربى العيال كويس وبس ...
اه ماهو لما الدنيا بتخرب معاك بتبتدى تمشى فى اى سكه بس المهم ما تكونش سلاح او
مخدرات او لامؤخذه حاجات بطالة مش بس علشان خوفك من ربنا ..لا وكمان المجتمع وعندك عيال عايز تربيهم ..
وبعدين الاثار مش حرام
الاثار بتتاجر
فيها الدول عادى خالص وكمان اولى الامر عندنا بيتاجروا فيهاعادى برضه وممشينها الناس
لبعضيها مع انهم هم اللى حاطين قانون
تجريم الاتجار فى الاثار !!!
وده موضوع
ححكيه لكم برضه علشان يكون عندكم فكرة بس قدام شوية .
نرجع تانى لعم على ..
زى ما قلت ان
عم على معدى ستين ... بيعالج بالقران كل الى عنده مس او ملبوس والفرق ان الممسوس ده
بيبقى واحد او واحده من الجان لمسه يعنى حياته مابتبقاش مظبطة زى ما بيقولوا وممكن
كمان يبقى فيه عكوسات او مشاكل مع عمار البيت ..
مين بقى عمار
البيت؟
عمار البيت اللى
هم ساكنين قبلك فى البيت و انت جيت عليهم وسكنت معاهم ... الجان اللى عايش فى بيته
و لقاك جيت حطيت عفشك وبتقول انا اجرت البيت ده او اشتريت البيت ده ..
هو بيلم
نفسه وقبيلته ويسكن فى الحمام علشان كدة بنقول قبل دخول الحمام (اللهم انى اعوز بك من الخبث و الخباث) وعلشان كده لازم وانت داخل البيت
تقول السلام عليكم و رحمة الله وبركاته حتى لو ما فيش حد فى البيت لان عمار البيت
موجودين ..
المهم ده الممسوس .. اما الملبوس فده واحد وجنى لابسه
يعنى قاعد جواه وبيتحكم فى كل تصرفاته تقريبا.
عم على بقى
بيعالج الناس دى ببلاش وده العهد اللى متفق عليه مع الخدمة اللى معاه والخدمة يعنى
الجنى او الجان اللى بيخدموا الانس فى الخير او الشر فى العلاج او كشف بعض الاشياء
المستعصية على البشر زى مثلا ....
لو عندك بيت
او قطعة ارض وعايز تعرف فيها اثار ولا ما فيهاش تروح تجيب الروحانى او الشيخ ده و
يكشف لك على الارض وبتدفع له مقدماً قبل ما بيتحرك ... اذا كان الكشف فى القاهرة او
ضواحيها بتبقى فى حدود خمس بواكى بالصلى على النبى وانت طالع على الصعيد والواحات
لغايت خمسين الف.
طيب بيعمل إيه
الروحانى ده؟
بصوا بقى يا
سادة ..
اولاً لازم
نعرف ان الحكاية قائمة على اتصال الروحانى بالجن ولما تكون عايز من ال .... جن
حاجة لازم ترضيه باللى بيحبه ...
وهو روحه فى
البخور .. اه البخور اللى امهاتنا كانت ديماً بتبخر بيه البيت كل يوم جمعة واحنا
مش فاهمين ليه؟
بيتدى
باطلاق البخور فى المكان وكل طلب ونوع جان له انواع البخور اللى بيحبها فحسب
الروحانى معاه ايه .. اقصد نوع الجن اللى معاه بيختار انواع البخور وبعدين بعد البخور واستحضار الجن بيبعت الروحانى
الخدمة اللى معاه تبص تحت الارض وتشوف فيه إيه؟
لو فيه مكان
(مقبرة او دفينه) يقولك الروحانى عليه ويقولك تحفر فين والمدخل منين.
كدة يكون
خلص شغله اللى اخد عليه الفلوس .... اما ان كان حيفتح او حيحضر الفتح (فتح المقبرة)
فالموضوع هنا مختلف واكثر ربح لان التقسيمة بتاعت الخير اللى طالع من المكان (الخير
يعنى الاثار اللى طالعة من المكان) حتتقسم
على ثلاث انصبة . نصيب لصاحب المكان و
نصيب للروحانى و نصيب للوسطاء اللى همه (السماسرة) .. و الحكإيه بتفرق من مكان للتانى
وكله على حسب الاتفاق.
وهنا لنا
وقفة لان الدنيا هنا غريبة شويه .. مين بقى الوسطاء فى العرف العادى؟
الوسطاء هم اللى
بيجيبوا المشترى للبايع والبايع للمشترى صح؟
تمام ... فى
المشاوير دى بقى الحكإيه مختلفة شويه ..
يعنى اولاً كل الناس اللى حفرت فى المكان من ضمن الوسطاء وكذلك اى حد عرف عن المشوار
او حتى قال السلام عليكم بيدخل كارت حشر (يعنى بيتراضى) وهو ما عملش حاجة خالص انما
عرف الحكإيه و كمان اللى صرف على الحفر وتكاليفه ممكن ياخد من نصيب الوسطاء مش من
صاحب المكان ..
عالم غريب جداً...
وكمان اسعار
بيع الاثار بتخلى الناس مش متضايقة ان حتى مصر كلها
تدخل فى الحسبة لان الخير كتير بجنان .. يعنى مثلاً تمن السنتيمتر الواحد
فى تمثال مصنوع من البازلت فوق ال10الاف دولار يعنى 75الف جنيه ( على سعر الدولار حالياً) ..
يعنى تمثال
فيه مثلا 100سم يبقى البيعة بكام ؟
7500000 الف
جنيه .. فمابالكوا بمكان كامل ؟ و يسلام لو المقبرة دى ملكى كمان تبقى الدنيا عدت يا كبير ..
اصرف الف وقطع
الف وارمى الف .
فلوس بالهبل
...... فلوس كتيرة لدرجة انكم تتخضوا من شكل وحجم الفلوس.
مشكلة المشاوير
دى بقى ان بعد الثورة وبالذات بعد الثورة والانفلات الامنى بقت كتيرة جدا ... يومياً بيجي لى اماكن عايزة
تتفتح اما واقفة على الشيخ او نزلوا على السقف (سقف المقبرة يعنى) وعايزين مادة القطع
(مادة بتقطع الرخامبعمق متر) او نزلوا كام متر و طلعت عليه مياه. لو المياه جوفيه
بيجرب معاها طرمبة اعماق لشفط المياه بس لو المياه كتير يبقى يردم لان ما فيش امل .
اما لو المياه
مياه رصد يبقى انتم عايزين شيخ .
يعنى إيه مياة
رصد؟
بقى يا اسيادنا الرصد ده هو الجان اللى بيحرس المكان
والحرس ده بيعمل إيه؟ الحرس ده بيعمل اى حاجة يضايقك بيها او يعطلك ويخوفك ويتوهك علشان
ما تكملش حفر.
و كل ما
حتقرب من باب المكان الرصد حيشد عليك اكتر واكتر ... الرصد بيطلع فى اى شكل او بالشكل اللى يخوفك ....
يعنى ممكن
يبقى جيش من الخنافس السوداءاو جيوش صراصير او نموس او نار ... وطبعا الواحد بيعرف بسهولة ان النار
دى رصد لان ما فيش نار بتطلع من الارض .. طيب والحشرات زى الصراصير والخنافس؟
الحشرات لما
بتطلع من الارض بتبقى متربة .. انما لما
تبقى الحشرات طالعة نضيفة وبتلمع تبقى رصد طبعا.
ومن ضمن صور
الرصد المياه اللى بتغرق وتغمر المكان .
طيب نعرف
منين ان كانت دى ميه رصد ولا مياه جوفية ؟؟
مياه الرصد
بتاكلك فى جلدك لما تلمسها ولامواخذه يعنى
.. بتقطعها من الهرش .
الغريب فى الموضوع
كله ان كل اللى بتقبلهم فى المشاوير دى محدش فيهم باع حاجة خالص الا فيما ندر ... اتنين
تلاته باعوا من كام سنة و لما فلوسهم قربت تخلص نزلوا يجروا تانى فى المشاوير دى
او ابتدوا يصفوا على الحفر فى اماكن تانية عايزة اللى يمولها.
تلاقى ناس بقالها
فى الموضوع ده تلت سنين و خمسة و تمانية بيجروا
فى المشاوير دى ولسه ما اتوفقش فى حاجة بس
الاغراء مموتهم ومش قادرين يسيبوا المشاوير دى .. وفى ناس فلست وباعت املاك وناس
صرفوا مكفئات نهاية الخدمة والمعاش المبكر وسيغة مراته وكله على امل الثراء الفاحش
السريع وكل ما تصرف تستخسر اللى صرفته وتقول اكمل .. الموضوع زى الادمان .
سبحان الله المشاوير
دى شفت فيها كل الاعمار وكل فئات الشعب بجد.
والله انا ما
شُفت حاجة اجتمعت فيها كل المستويات والفئات الا المشاوير دى وثورة 25 يناير وبس.
حاجة كدة زى
ما بيقولوا قعدت المزاج بتلم تلاقى فيها كل اللى ممكن تتخيله من وظائف دكتور .. مهندس .. ظابط .. بلطجى .. صايع ..
موظف فاضى .. عاطل ..... ستات ورجالة من
سن 17 وحتى السبعين .... كل اللى انتم
عيزينه ..
الحقيقة ان المخلوع
هو حاشيته وخدام عرشه واعوانه خلوا الشعب كله يتجنن من الثراء الفاحش اللى هم
عيشين فيه وعايزين يعيشوا زيه وباى طريقة ولان ما فيش انتماء للوطن ماهو انا لو ما
بعتهاش هم حيبيعوها ( الحاشية يعنى) يبقى انا اولى بفلوسها وعلشان كدة انا ما اتكسفتش
انى ادخل فى الموضوع ده.
ليه ؟ حاضر اقول
لكم ليه؟
علشان اولاً
انا لم تربينى الدولة على الانتماء لها وخلت اهلى اللى هم المفروض يربونى مع
المدرسة مش فاضيين يربونى علشان يبجروا ورا لقمة العيش ولان المدرسة كانت بتدينى
كتب التربية القومية وما حدش بيشرحا لنا فى الفصل وكمان وزارة التربية والتعليم عملتها
مادة لا تضاف درجاتها للمجموع لانها مش مادة نجاح وسقوط وكل المدرسين بينجحوا
العيال من غير ما يسالوهم فيها .. ولانى لم اجد اهتمام من الدوله لا فى طفولتى ولا
فى صباى ولا فى رجولتى ولا فى شيخوخة اهلى .. فاى دوله واى انتماء؟
الدولة هى
اللى بتطلع الاثار وبتبيعها وبتهديها بشكل رسمى للدول التانية وكانها تملها .. يا
عم صلى على النبى بقى ..
ده يمكن فاضل
عشرين واحد من الشعب و تبقى مصر كلها فى المشاوير دى وبتبيع اثار.
ويكون فى
علمكم لو انتم بتقروا الكلام ده يبقى انا وصلت لحاجة ومشوار من المشاوير ضرب معايا
وطبعت كتابى ده على حسابى و فرضته على السوق و حأشترى له جايزة ولا اتنين كمان ...
الفلوس كتير و اخر همى ...اى خدمة .
بس ما حدش
يدور علي علشان اكيد حسافر و اغير اسمى و اول حاجة حاعملها انى ارمى كل تلفوناتى واقطع
كل علاقاتى بكل اللى يعرفونى.
وتحياتى
لقلة الاصل ... حاولوا تخفوا الاحقاد اللى فى قلوبكم لان ريحت اعصابكم المحروقة انا
شاممها من هنا ..
يلا اتكلوا
على الله يلا...
استنوا استنوا
إيه؟
انا كنت بهزر امال انا ححكى لمين؟
اقعدوا لسه الساقع جى. اقعدوا حقولكم حاجة تانية.
ليست هناك تعليقات:
إرسال تعليق